اللي مابياخد سورية مابيعيش عيشة هنية

سلام عليكم:



بيقول : المثل :

"اللى ما بياخذ سورية ما بيعيش عيشة هنية"

فقالوا عنها إنها قوية.... وخصوصا الشامية.

مساكين والله ماعرفوا إنه السورية مو قوية..

بالعكس طيوبة .. بس ذكية.


اي ذكية شافت أمها وقت بيدخل أبوهاعالبيت
كيف بتعامله. بالرقة والحنية

وبتعرف إنه رجال وتحترم رجولته,,, فدخلت عقله وقرت أفكاره.

ولما دخلت قلبه سمعت دقاته. فعرفت اللى بيحبه من اللى مابيحبه.


فقامت هالذكية وشعلت قلبه بالأحاديث الغرامية.

صار هالزلمة بالهنا ماشى وبالشفا ماشى
فليش هالذكية ما تعيش عيشة هنية؟



عرفت من أمها إنه العين ما تعلى عن الحاجب وهذا الصحيح!!!

وإنه الرجال ما بيجى بالعند والبغض فأجته بالحنكة التكتكية .



الموضوع يابنات مو قنبلة ذرية....... ولا اعمال شعوذة سحرية.

الموضوع بسيط وما يحتاج غير شوية خفية.

لقمة طيبة وكلمة حلوة وبسمة احلى ولبسة قوية......

أطباق من هون شرقية ... وأخرى غربية

تمشى على هواه وأفكاره المزاجية. ... فتملك قلبه وعقله هالسورية.



اوعوا تظنوا اني عنصرية.

بس انا بحيي كل زوجة مثالية....

وأهديها شهادة حب فخرية



سواء كانت هالزوجة :



فلسطينية أو عراقية مغربية او مصرية أو يمنيه او حتى خليجية.

وانا صحيح مانى مصلحة إجتماعية...... و لا مرشدة دعوية .

ولكنى شفت صور و حقائق واقعية.

خلتنى أكتب شوية مهلبية


مما راقني