(يكفي تعذبني )
أمـانـتـك يـازمــن يكـفــي تـعـذبنـي
. . . . . مو كافي انك اخذت من النظر نوره
طعنت قلبي واخذت اغلا البشر مني
. . . . . ناظر دموعـي على الخدين ممطوره
ودي بـشـوفـه والـبـعـد يـحـرمـنــي
. . . . . ارفق بحالي ظروفـي منك مقهوره
أنا حـزيــن وبـعيـده ديـرتـه عـنــي
. . . . . واللي مثـل حالتـي شكواه معـذوره
منعتني شوف الغاليه ليه تظلمني
. . . . . ومن الفرح كـف يـد الحظ مبتوره
اخفي تعاسه زماني من ورى سني
. . . . . واضحك واجامل واقول الحال مستوره
أقــاوم الوقت بسيوفه ويطعنــي
. . . . . صبرت ليه ما زماني بان لي جوره
متــى التلاقي يجمعنا ويجعلنــي
. . . . . اسعد بشر رقم موج الهم وبحوره
يالغاليه طال شوقي من الزمن كني
. . . . . الفارس اللي طعنته رمح مغدوره
امـنـتـك الله زمـاني لا تتعبنـي
. . . . . خذ ماتبي بس عطني النظر نوره
هذا رجا مطلبي ان طاب بك ظني
. . . . . وانا خاب ظني عزاي اشوفها صوره
