°•. معنى الصداقة .•°
كان فيه إثنين زملاء يدرسون في بريطانيا
(مراد و يوسف)
وبعد انتهاء فترة الدراسه قرروا يرجعون لاهلهم
فقال مراد ليوسف :::
قبل ما تروح بلدك تعال معي للبلادي و بعدها تقدر تروح بلدك فوافق يوسف وهم في منتصف الرحله نازلين ترانزيت
دق اخو مراد وقال لاخوه ان جدتي توفت
فقال مراد لاخوه انا معي زميلي من بلاد ثانيه وعازمه فلا تقولون له شي حتى ما يضيق صدرة ولا احرجه
ونصلي على الجنازة وكنها لأحد من جماعتنا
لما وصلوا
......................
صلوا على الجنازة وقعد يوسف مدة في بلد مراد
واعجب ببنت جيران زميله و قال لمراد اني ودي اتزوجها
فرح مراد وقال انا مستعد اخطبها لك و فعلا خطبها له وخبر يوسف أهله وسوو الزواج ورجع يوسف لبلده
وبعد مدة طويله كبرة تجارة يوسف وطلع تاجر وغني
ومراد خسر كل أمواله وتجارته فقال مالي الا اروح لصديقي يوسف اكيد بيساعدني
وفعلا راح لبلد يوسف وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر
وكان الوقت متاخر فقال للبواب قل لراعي البيت يوسف ان زميله مراد عند الباب وانه محتاجك مرة مرة وان حالته كذا وكذا
و بعد مارجع البواب عطى مراد شيء من عشى يوسف
تخيلوا
---------------
فضاق صدر مراد
وقال هذا جزاء الصداقه المهم
وهو راجع رجليه في الطريق
لقى رجلين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ مراد
انه هو اللي جاهم الاول واخذ المليون و تاجر بها في بلد زميله يوسف وقبل ما يرجع لبده لقى عجوز معاها بنت وقالت له
العجوز ابي اخلي البنت عندك واروح احج اذا مارجعت تزوجها وخلها عندك
لما طولت العجوز عقب الحج اتزوجها وسوا حفله الزواج في بلده وفي اثناء الزواج وكان من ضمن المدعوين زميله يوسف
لما شافه مراد غضب وقال للحضور اطردوة هذا خاين العشرة والصداقه
تخيلوا انه لما جا معي لبلدي
وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي
وفضلته على نفسي ولما جيته محتاج عطاني فضله عشاااااه
---------------
تدرون وش قال يوسف....؟؟؟؟
قال اسمعوا واحكموا علي ......
انا يوم جاني مراد وهو محتاج ماحبيت اشوفه على حالته هذي عقب ماكان تجار وكبير اشوفه صغير ومحتاج
واتفضل عليه بشي من عندي عشان كذا عطيته فضله عشاي
وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته
اما با النسبه للعجوز اللي معاها البنت فهاذي امي والبنت هذي طبعا اختي
وش رايك ما احضر زواج اختي؟
******************
اللهم ارزقنا الصديق الصادق الصدوق
