وش قيمة الغالي اذا ماتغلى

اهداء الى الغالية ام سلمان


صد وتغلى واحرق اعصاب مغليك
وش قيمـة الغالــي اذا ماتــغــــلا


ابعد وطنشني واذا قلت وش فيـــك
قول الهوى لعبه وحـنا انتســــلا


ابيك بارد دم تقهر محـــــاكيك
وانا ابتظاهر بالصبـــر واتحـلا


وان جيت يمك مد عني خــطاويك
من شيمة المقفي خطاويــه عجــلا


لا تلتفت لـــي لو اصوت واناديك
وان طاحت الدمعه ترا العين خجلا


واذا التقينا صدفه وقمت اراعيك
راع بطرف عينك وصد وتعـــلا


وان قلت لك تكفى ذبحني تجافيك
والقلب يــاقلبي مــن الصــد ملا


قل بدري وطبطب عليه بياديـــك
وتل الخفـــوق بسهم الاعيان تــلا


نذرن علي لابيع هالكون واشريك
يااحلا من السكر يابو عيون نجـلا


وابوس رأسك ثم اقبل خطاويـــك
واستسمحـك لو جاتنــــي مــنك زلا


ولك العهد لو تحرق اعصاب مغليك
يزود ماينقـــص غلا من تغـــلا