الأسطوره حامد زيد0000

ماتقبلـت الفـراق مـا ليـدي فيـه iiحيلـه ii

آه لـو ان الظـروف المقبلـه تكشـف iiقدرهـا

لو يعرف الشخص منّا وش مع الغيب ابيجي له ii

كان جنبنا المشاكل مـن قبـل يوقـع iiضررهـا

ما هقيت الليله اللي جابـت الفرقـا iiطويلـه ii

لين صارت ليلة امس بعيني اطول من iiشهرهـا

والعذاب اللي يذوب بعين مـن يفقـد iiخليلـه ii

عندي اكبر من عذاب العين لـو تفقـد iiنظرهـا

والحبيب اللي صـدوده مثـل مداتـه iiجزيلـه ii

صد عني واعرفه لو صد عـن حاجـه iiهجرهـا

كن روحي يوم حست في جفاه وصعب iiنيلـه ii

بشرتنـي بالضيـاع وشـدة العـزم iiلسفـرهـا

ما رحمها مـن هـلاك ومـا تقبّلهـا iiدخيلـه ii

تحتضر قدام عينـه ليـن ماتـت مـن iiقهرهـا

عاد ليت اللي ذبحها وارهب الموت iiبوسيلـه ii

ما دفن وجـه الضحيـه والسكاكيـن iiبنحرهـا

ليت قلبه يـوم سـوى فعلتـه كمّـل iiجميلـه ii

لو غسلها من عروقـه وبكفـن صـدره iiقبرهـا

من حفر بضلوع قلبـه حفـرةٍ تكفـي iiقتيلـه ii

ليه ما يدفـن قتيلـه بالضلـوع اللـي حفرهـا؟

اشتكيتـه للرفـوف وللبـراويـز iiالهزيـلـه ii

وانذعرت من النياح اللي سمعتـه فـي صورهـا

رحت اسولف للجبال الصم عن قصة iiرحيلـه ii

ما تركت متونهـا الا ينحـت الدمـع iiبصخرهـا

واحدٍ حقق جماله كذب اساطيـر الـف iiليلـه ii

يسكن السبع البحور ويحبـس الحـور iiبدررهـا

الـدروب بكبرياهـا ترتجـف تحتـه iiذليلـه ii

والورود اللـي تقبّـل خطوتـه تنبـت iiبأثرهـا

والغصون اليا بغاهـا تنثنـي له.تنثنـي iiلـه ii

والفياض ان حب ينثر عطرهـا يلمـس iiزهرهـا

لو يصوّت للغدير المنجـرف جفـف iiسبيلـه ii

وان تبسّـم للجبـال الصامتـه نطّـق iiحجرهـا

كل حاجه تستوي له. لي بغاها تستـوي iiلـه ii

بالنظر واستغفر الله لو بقـول : انـه iiسحرهـا

ذاك لو بس يتمنـا فاكهـة شجـرة iiضليلـه ii

بس يفتح راحت ايـده ويتساقـط لـه ثمرهـا ii!

كن ربـي سخـر لـه المعجـزات المستحيلـه ii

واصبح اسطوره وكـل الالسنـه تنقـل iiخبرهـا

هان محجر دمع عيني لين جفّـف iiسلسبيلـه ii

والتفـت لأخيـر دمعـه قبّلـت يـده ونثـرهـا

دمعةٍ كن بشقاهـا يـوم طاحـت فـي شليلـه ii

جادلٍ جـات بـدويٍ تطلـب الستـر iiوسترهـا

له علي انه ليا من طاح مـن عينـي iiتشيلـه ii

ولـي عليـه انـه يرجّـع لابتساماتـي iiثغرهـا

لو طعوني بالسكاكيـن بيـده تشفـي iiغليلـه ii

لاشتريها مـن عذابـي وادفـع بدمـي iiمهرهـا

واطلبه ينهال فيني طعن ليـن يطيـح iiحيلـه ii

بس لا يترك عيونـي تنحـرم نعمـة iiبصرهـا

له بعيني مثل مـا للطهـر بالنفـس الاصيلـه ii

تقطع يدين الردا لو مس شعـره مـن iiشعرهـا

مابغيتـه غيـر دربٍ شتّـت اقـدام iiالدليلـه ii

مزنةٍ مـا بللتنـي واستحيـت اطلـب iiمطرهـا

والعطايا من يديـن الخلـق للطالـب iiقليلـه ii

والوهايـب مـن يـد الله للعبـاد اجـل iiوأرهـا

وان نسيت اني زرعت العشق وحظوظي iiبخيله ii

ما نسيت ان العطايـا تستحـق اللـي iiشكرهـا

صعب تلقى شخص وافي يجزي الطيب iiبمثيله ii

والعرب كد قالت ان : الناس ما تتـرك iiقشرهـا