خذيني في عيد ميلادك
هديه من أغلى أحبابك
خذيني ضمن أقلامك
خذيني ضمن العابك
خذيني ارتب أغراضك
وفساتينك ارتبها بدولابك
خذيني أشيل عنكٍ الهم
وأخفف عنكٍ أتعابك
خذيني أرتب أوقاتك
أنا منكٍ ادرى بك
خذيني لك بودي جارد
أقف حارس على بابك
خبيني في علبة المكياج
خبيني وسط أطيابك
حطيني على شفاتك روج
أو كحل على أهدابك
أنا فيني حنان أمك
أنا من أبوك اوصابك
أنا اقرب من أخوانك
أنا أقرب أقرابك
أنا وحدي كل أهلك
أنا ناسك وأصحابك
خلي من نفسك الأستاذ
وأنا وحدي طلابك
خلي البوسه لي ترغيب
خلي الضمة من أرهابك
أمريني أكتب الواجب
وأنا بنساه والهى بك
وأخبي علبة الطبشور
عشان ألعب بأعصابك
تزعلي وتهربي مني
تعلني علي اضرابك
تراضيني وترجعي نحوي
لان الشوق لي جابك
أنا أحبك غاليتي
أموت لأجلك وأحيا بك
