بيت الموروث الشعبي
(منقووووووول)
ديوان الأغاني الريفية
الإغـراء
مبسـم على مبسم ياعاشق اغنم
خيرتك الجنة قلت : النار أقدم
ياظاهـر الشـباك رد " الخطاطيـف "
خليت عيال الناس عليك مشاطيف
حسي ارتبـش وخاطري تـغشوش
لمـا جـزع جنبـي الحبيب " مجـمش "
يالـيت بقـلبي " سـلك " لا فـؤادك
شاستعلمك ياخـل مو مـرادك
صـليت أنا الجـمعة وحـسي هـله
لمـا جزع سـاجـي العـيون شـله
التـمرد
دجيت أنـا سامر أدبـر الأمـر
على وليد " حشـاش "شارب الخمر
لـيتـك تسـاعدني تفك الازرار
وتـدخل الجنة بعيد من النار
حُبـيبي اذكر ماقـلت لك أمـس
فـك الزرار وأطرح بنانـك الخمس
فـك الزرار تحـت الزرار شراب نار
تحت الزرار جنة وتحته انهار
مسافرين " جدة "ارض السـعودي
فلت لبنت الناس يابن اليهودي
مخيط القمصان اللي ظلمني
خيـط على الكعبين بخيـط مثنـي
والله لا نـدي لـي"ولـيد" مـن " الروم "
واخـلـي الخيبـة " قـحوف " مـرجـوم
العـهد والـوعد
لـو يـعلنوا في الغـرب حـرب ثـالث
مـانـا لعـهدك يـاحبيب نـاكث
تـرمي رصاص يـد وأنـا ارجـمك بـفلي
لا عـلمـوك النـاس عـليَ قـلي .
طـرحت لي عـهدك فـوق " القـعادة "
والـفـرش مفتوح والنـجوم شـهادة
كسـر المـألـوف
مصـلـي الجـمعـة وصـائم السـبت
خـرج من المسجد يـداعب البـنت
حُبـيبـي يا لابـس المُرقماش
حُبـيـبي عقـلي عليك قد طاش
ياريـت والله و" الإمـام " يسـاعد
يـزوج النسـوان بـقـرش واحد
