لأنك داخل أعماقي….أنا باقي
لأنك كل آفاقي…..أنا باقي
أنا صوت الألم في داخل أوتارك
أنا روح الحنين الي على أسوارك
أنا ذاك النزيف الي نزل منك
أنا منك
أنا ضنك
أنا آخر حدود الشوق وأول سكة اللهفه
عليك أصحى وفيك أغفا
أنا ذيك اليمين الي على بابك
أنا أحبابك
أنا أقرابك
أنا لو خانت الصحبه تلاقي روحي أصحابك
أموت بشووووووق وأحيا بك
أنا ورد الكلام بروضك الوارف
أنا ذيك الهموم ودمعك الذارف
وأنا عارف مثل منته معي عارف
بأنك آخر حدودي
وأن وجودي وجودي
وتدري لو رجف جسمك يطيح من التعب عودي
يمن كل المكارم داخلك صنته
ياليل السحر والحيره
ياأبهى أرض(ن) وديره
أبو الشيمه..أبو القيمه..أبو الغيره
ياحبر الشعر وأوراقي
يادمعي داخل احداقي
أمانه لو قسا وقتك
أبد لا تطري أفراقي
وأنا دايم أرددها أنا باقي..معك باقي…
