هنوا لقلبي ياشباب

‏~خواطر شعبية
من تخيلات اللحظه
أسطرها لكم
على السريع~

الليله ذي
ليست ككل الليالي..
الليله ذي
شفت الحبيب قبالي..*

لما ظهر
كنه قمر يلالي..
ماقد رأت
عيني له مثالي..*

هنوا لقلبي ياشباب..
فالجو هالليله طاب..*

الليله انا عدتو شباب..
نسيت بهاكل العذاب..*

وجهآ لوجه رأيتو ..
ياليتني من زمان لقيتو..*

وسط الفؤاد قد خبيتو..
والروح له بلحظة عطيتو.*

فيه الخدود تقول تفاح..
مبسم عقيق كثقب مفتاح.*

الليله ذي صدري أنشرح..
وكدت أطير من الفرح.*

أمسيت أنا بعدو أهيم..
وامسى هو بالقلب مقيم.*

من حسنه
أمسيت أنا مطنن..
كأنني
بالأمس كنت مخزن.*

‏~ترقبوا المزيد
مادمت سعيد~

ابوالمنذر كتب:

هنو لقلبي ياشباب





فالجو هاليله طاب

هنيئا من القلب

أخي جلال

أبادلك ياصاحبي التهاني
وأرجوا لك أطيب الأماني..

-----------
مبروك شفت المحبوبة
أو الحلم المرتقب
وأكيد في حاجة

على العموم خلي بالك على اللي بالبلاد

شكرا لك
---------

الدكاك واجلال كنك دككت

ههههههههههههه

رائع ونتمنى ان يعود لك هاجسك الشعري وتمتعنا بابداعك

الف مليار تحيه

أشكر الجميع

وأتمنى لكم
دوام الصحة والسعادة..

‏~وااااعبدالرقيب
خلي لي حالي
كما شتدبرنا
مثل المره الأوله
عاد أرجلي
مكسرات من القصب..

مو قدك مدبر
تشتي تدبرنا جنبك..

الله وعبدو
لوكنت تدري مو معي!!!

أشتي أقولك
بس خايف مخك
يفتحس !!!

تحياتي وتقديري*

مو بالله مو واجلال بعدين شتصلك قلي قانا اتوقلل
لا تصدق الدبور كله على الله يا راجل

واااعبدو
فترتو وانا أدور
وادقدق وانت
الله يعلم أين سابح..

أنت الوحيد
اللي يمكن أثق بو
وابوح لو مو بقلبي..