قصيده رثاء شاب لأمه محزنه جدا

السلام عليكم ورحمة الله وبركاته

هذي قصيده كاتبها واحد سوى حادث و كانت معه امه في السياره و توفت الام من سبب الحادث والولد ما صار شي فيه الا بعض الجروح الله يهدي شباب المسلمين .
والولد يحترق من الداخل وقلبه مولع نــار على فـراق أمه بسـبـبه.

وقال لمن يواسيه هذهِ الابيــات .

يواسيني وانا الميت وحالي يجبر الدمعات=تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات=يجبروني عشان امشي ورجلي ما تمشيني

قتلت رعايتي بيدي قتلت الحب والرحمات=حرمت النفس من حقها وانا ابكيها وتبكيني

وكنه حلم قدامي يقيدني من الصرخات=ابي اصحى ولكني عجزت القى ال يصحيني

فداك القلب يايمه ومهما قلت من كلمات=صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات=صحيح اني ولد طايش وكل ما أسمعه فيني

تجول عيونهم فيني تفصل مني قياسات=وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة=وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات=وصار الهم عكازي اباكيه ويباكيني

عطيتيني بدون حساب ولا سمعتك تقولي هات=وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات=واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات=تعالي غيري هالقول واطيعك باقي سنيني

واترك عادة التدخين وانفذ ما تبي بسكات=واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات=ابيك انتي ولا غيرك على موتك تعزيني

وضميني وداويني مثل ما كانت الهقوات=ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات=انا مقوى ابكيك اذا انتي تبكيني

اللهم عافنا وعافي آبائنا وامهاتنا يا ارحم الراحمين

تقبلوا خالص تحياتي

كلمات تنبض بالحسره..

نسأل الله أن
يهديناإلى سواءالسبيل.

وأن يحفظ والدينا

وجميع المسلمين.

الموضوع تكرر مرتين

وردينا بالموضوع الأول

تحياتي لك يا أخ عبد الله

سلمت يداك وربي ما يحرمنا من جديدك

قصيده مره حزينه انتضر جديدك الى الامام انشاء الله
تقبل مروووووووري