بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
كيف انتوا ؟
مالكم شي
اليوم معي لكم قصه حصلت في صنعاء القديمه
وعتدخل على طوووول بدون اي مقدمات او حركات انتوا داريين بي مقطف
المهم بسم الله
كان في صنعاء القديمه واحد معه غنم نسميها في صنعاء أطلى
وكان معه مجموعه كبيره
وفي يوم من الايام جاء واحد عقي والديه نتف طلي ورحله ((سرقه وفحط ))
وجاء صاحب الغاطلى وبيعد حقه الغنم وان قدهن ناقصات واحد
الرجال جنن
كيف يفعل ؟ كيف يسوي ؟
ما دري ما يفعل سار لعند واحد من الشيبات وقله
اذا لقيت اي واحد وانت شاكك فيه قله
انت الذي ؟
وابسر ما عيرد عليك
قله حاضر ناهي عنفعل مثل ما قلتوا
وفي خلال هذاك الايام بعد السرقه
سار صاحب الأطلى يصلي
دخل الجامع وعلى الخرجه لقي مطلب ((شحات ))
فقال له ، مثل ما قاله الشيبه
انت الذي ؟
الشحات مع الفجيعه والسؤال المباغت
جاوب عليه قاله
أين طلي ؟
قال ايووووووه هو انت الذي سرقت الطلي ههههههههههههه
هي جاء معي لعند القاضي
وهكذا اصبحت مقوله
انت الذي قال أين طلي
========
هذا علمي ولا جاكم شر
عبدالرحمن مطهر وحبيبه محمد
هههههههههههههه
دعواتكم